Wasu ’yan ta’adda da ake zargin suna aiki a Zamfara sun saki wani matashin mai yi wa ƙasa hidima bayan iyalansa sun biya kuɗin fansa har Naira miliyan 10 tare da ƙarin sabbin babura guda biyu.
Rahotanni sun nuna cewa matashin na cikin masu bautar ƙasa na shirin National Youth Service Corps (NYSC) da aka yi garkuwa da shi a wani yanki na Arewacin Najeriya.
Majiyoyi sun bayyana cewa bayan tattaunawa da masu garkuwar, iyalan matashin sun fara biyan kuɗin fansa na Naira miliyan 10 domin a sako shi.
Sai dai daga baya wanda ya jagoranci garkuwar ya sake buƙatar a kawo masa sabbin babura guda biyu kafin ya amince ya sake shi.
A cewar majiyoyin, dole ne iyalan wanda aka sace su samar da sabbin baburan tare da kai su ga ’yan ta’addan domin cika sharadin da suka gindaya.
Hotunan da ke yawo a kafafen sada zumunta sun nuna lokacin da aka kai kuɗin fansar tare da baburan, inda wasu mutane suka bayyana suna miƙa kayayyakin kafin daga bisani aka saki matashin.
