Thailand-Kambodiya Kai Tsaye: Rikicin kan iyaka na iya haifar da ‘yaki’ – mukaddashin Firaministan Thailand

Thailand da Cambodia sun ci gaba da musayar harbe-harbe masu nauyi da roka a ranar Juma’a, yayin da mummunan fada a kan iyaka da suka yi a fiye da shekaru goma ya shiga rana ta biyu.

Mukaddashin Firaministan Thailand, Phumtham Wechayachai, ya gargadi cewa fada da Cambodia “na iya rikidewa zuwa yaki”, amma ya kara da cewa, “a yanzu haka ya tsaya ne kawai a kan arangama.”

Aƙalla mutane 15 ne aka kashe a Thailand, 14 daga cikinsu fararen hula ne, a cewar Ma’aikatar Lafiya ta ƙasar, kuma an bayar da rahoton mutuwar mutum ɗaya a Cambodia.

Fiye da mutane 120,000 ne aka ruwaito sun rasa matsuguni a bangarorin biyu na kan iyakar Thailand da Cambodia yayin da mazauna yankin ke neman mafaka a tsakiyar rikicin kan iyaka.