wata kotu a birnin Seoul ta yanke hukunci na ɗaurin rai da rai ga tsohon shugaban ƙasar Koriya ta Kudu, Yoon Suk Yeol, bayan an same shi da laifin jagorantar yunƙurin tayar da bore da kuma ƙoƙarin aiwatar da dokar ta-ɓaci a watan Disambar 2024.
Majiyoyi na ƙasa da ƙasa sun ce kotun ta yanke wannan hukunci ne bayan ƙarin bincike ya gano cewa Yoon ya bayyana dokar ta-ɓaci ba tare da shirin da kundin tsarin mulki ya tanada ba, inda ya kuma umarci tura sojoji zuwa ginin majalisar dokoki domin murƙushe adawa da hana abubuwan hari’a aiki.
Rahotanni sun nuna cewa yunƙurin sanya dokar ta-ɓaci ya haifar da rikici mai tsanani, inda aka ɗauki matakin da ya ƙunshi cusa sojoji da jami’an tsaro a kewaye da majalisar dokoki na ‘yan sa’o’i kafin a soke shi, kuma hakan ya jawo zanga-zangar jama’a da suka kawo ƙarshen matakin.
Bayan hukuncin ɗaurin rai da rai, Yoon zai iya daukaka kara, amma wannan hukunci ya zo ne a cikin wani muhimmin lamari na siyasa da shari’a a tarihin ƙasar, wanda ya jawo cece-kuren ra’ayoyi a cikin al’ummar Koriya ta Kudu da ma duniya baki ɗaya
