Gwamnatin Jamhuriyar Dimokuraɗiyyar Kongo (DRC) ta kasa sanya hannu kan yarjejeniyar zaman lafiya ta ƙarshe da aka shirya yi a ranar Litinin bayan ‘yan tawaye sun zargi sojojin Kongo da karya wata yarjejeniya ta baya da aka yi niyya don kaiwa ga cikakken yarjejeniyar zaman lafiya.
Tattaunawar da aka shirya yi a ranar Litinin tana daga cikin jerin tattaunawar da Qatar ta shiga tsakani. An bukaci bangarorin biyu su kasance a Doha don sanya hannu kan abin da aka yi nufin zama yarjejeniyar zaman lafiya ta karshe.
Duk da haka, M23 ta sanar a ranar Lahadi, a gabanin rattaba hannu, cewa wakilanta ba su kasance a Doha kamar yadda aka amince ba, lamarin da ya haifar da fargaba a tsakanin masu sharhi cewa tattaunawar na iya rushewa gaba ɗaya.
A ranar Litinin, kungiyar ta bayyana cewa za ta janye matsayinta, tana alkawarin tura wakilai a cikin ‘yan kwanaki masu zuwa.
DRC ta kasance cikin rikici da M23 da Rwanda ke marawa baya tsawon shekaru. A watan Disamba 2023, kungiyar ‘yan bindiga ta hade da wata kungiya mai dauke da makamai, wato Kungiyar Hadin Kan Kogin Kongo (AFC), kuma ana kuma kiranta da AFC-M23.
