Kasa da awanni uku kafin Isra’ila ta kaddamar da farmakin ta na farko kan Iran, Shugaban Amurka Donald Trump ya jaddada cewa Amurka tana da niyyar ci gaba da tattaunawa da Tehran.
Harin da Isra’ila ta kai da safiyar Juma’a ya sanya wadannan tattaunawa cikin hadari kuma ya kara yawan barazanar rikici a Gabas ta Tsakiya wanda zai iya shafar Amurka.
Harin da Isra’ila ta kai ya zo ne yayin da bangarorin da ke kan kishiyar dama da hagu a fagen siyasar Amurka suka bukaci Trump da ya ki janyewa Isra’ila cikin yaki da Iran.
A yayin da bama-baman suka fada kan Tehran da sauran biranen Iran, yawancin ‘yan siyasar Amurka sun yi gaggawar aika “addu’o’i” ga Isra’ila, yayin da wasu suka nuna damuwa – da kin amincewa – kan karin tashin hankali.
