Shugaban Amurka Donald Trump ya sanya hannu kan wata doka ta zartarwa don rushe jerin takunkuman da aka kakabawa Syria, matakin da zai iya bude hanyoyin zuba jari a kasar fiye da watanni shida bayan kifar da Shugaba Bashar al-Assad.
Sanarwar da Trump ya bayar a ranar Litinin tana mai bayyanar da rangwamen takunkumi ga “kungiyoyin da suka dace da ci gaban Siriya, gudanar da gwamnatinta, da sake gina tsarin zamantakewar kasar,” in ji Ma’aikatar Kudi ta Amurka a cikin wata sanarwa.
Gwamnatin Siriya tana ƙarƙashin tsauraran takunkuman kuɗi na Amurka waɗanda suka gabata kafin barkewar yaƙin basasa a ƙasar a shekarar 2011.
Shirin takunkumi mai fadi, wanda ya haɗa da tanade-tanade masu alaƙa da take hakkin ɗan adam na tsohuwar gwamnati, ya hana ƙoƙarin sake gina ƙasar. Haka kuma, ya taimaka wajen tura tattalin arzikin Siriya ƙarƙashin al-Assad zuwa gabar rushewa.
