Majiyoyi daga cikin al’ummar yankin sun tabbatar da cewa harin ya yi sanadin rasuwar Abdulmalik Isah a yayin da aka sace Hajiya Yaya zuwa wani wuri da ba a sani ba.
Bayan aukuwar lamarin, masallacin Izala da ke Makarfi ya sanar da dakatar da Sallar Tahajjud da aka shirya fara gudanarwa a daren Litinin.
A wata sanarwa da Mataimakin Jami’in Yaɗa Labarai na Izala a Makarfi, Malam Sani Adamu ya fitar, ya ce an ɗauki matakin ne sakamakon rashin kwanciyar hankali a garin bayan shigowar masu garkuwa da mutane.
Sanarwar ta buƙaci al’umma da su gudanar da Sallar Tahajjud a gidajensu domin kare lafiyarsu, tare da bayyana cewa ana sa ran za a ci gaba da sallar a daren Talata idan al’amura sun daidaita.
