Labarai
NNPCL ya ci ribar N748 biliyan a watan Afrilu

Kamfanin mai na Nijeriya NNPCL ya ce ya ci ribar naira biliyan 748 a watan Afrilun da ya gabata.
Wata sanarwar da kamfanin ya fitar a shafinsa na intanet ta ce kamfanin ya samar da miliyan 7, 354 na kyubik fit na iskar gas a ko wace rana a cikin watan.
Kazalika rahoton ya ce shirin samar da bututun iskar gas na Ajaokuta-Kaduna-Kano domin samar da makamashi a arewacin Nijeriya ya kai kashi 75 cikin 100 wajen kammalawa.
Sai dai kuma, sanarwar ta ce dukkan alƙalluma na kuɗi da ta bayar a rahoton na wucin-gadi ne kawai saboda ba a tantance su daga waje ba taukunna.




