Karamin Ministan Ayyuka da Gidaje, Yusif Abdullahi Ata, ya mayar da martani ga jam’iyyar APC ta Jihar Kano bayan da ta zarge shi da yin kalaman da ka iya haifar da rarrabuwar kai

A cikin wata sanarwa dauke da sa hannunsa, Ata ya nuna rashin jin daɗinsa cewa an aiko masa da wata wasika daga jam’iyyar, amma kafin ta kai hannunsa tuni ta yadu a kafafen sada zumunta.

Ya kara da cewa, kundin tsarin mulki yana bashi damar fadin ra’ayinsa, don haka yana da cikakkiyar ‘yanci wajen bayyana matsayinsa kan duk wani batu da ya shafe shi.