A Jihar Kwara, mahara sun sake kai hari inda suka yi garkuwa da aƙalla manoma huɗu a ƙauyen Bokungi da ke ƙaramar hukumar Edu. Lamarin ya faru ne a lokacin da manoman ke aikin gona ta shinkafa.
Wannan harin ya faru ne awa 24 kacal bayan wani hari da aka kai a coci a garin Eruku na ƙaramar hukumar Ekiti, inda aka kashe mutum biyu tare da yin garkuwa da wasu jama’a da dama.
Majiyar da ta sanar da lamarin ta ce maharan sun dira gona ne suka tafi da mutanen huɗu.
Zuƙu yanzu, ’yan sandan jihar Kwara da Gwamnatin Jihar ba su fitar da wata sanarwa ta hukuma kan harin ba.
