Sojojin Siriya za su sake tura jami’an soji zuwa suwayda; Isra’ila ta kai hari kan ayarin motocin Badouin
Jami’an tsaron Siriya suna sake tura sojoji zuwa yankin Suwayda mai tashin hankali a kudancin kasar don dakile fada tsakanin kabilun Druze da Bedouin, in ji Ma’aikatar Harkokin Cikin Gida ta Siriya, yayin da wani yarjejeniyar tsagaita wuta a yankin ta rushe.
Isra’ila ta yi gargadi ga gwamnatin Siriya a baya don ta janye daga kudancin kasar, kuma dakarun Isra’ila sun kai hari a ranar Juma’a kan babbar hanyar Palmyra-Homs ta Siriya, suna nufin wani ayarin mayakan Baduwa da ake cewa suna kan hanyarsu zuwa Suwayda, a cewar gidan rediyon jama’a na Isra’ila, Kan News.
Wannan na zuwa ne kwanaki biyu kacal bayan da Isra’ila ta kai munanan hare-hare a Damascus.
Mayakan Bedouin a Siriya sun ce sun kaddamar da wani sabon hari kan mayakan Druze a daren Alhamis, duk da janyewar dakarun gwamnatin Siriya daga lardin kudu maso yammacin Suwayda, da kuma yunkurin Shugaban Siriya Ahmed al-Sharaa na kawo karshen barkewar tashin hankali da ya yi sanadin mutuwar daruruwan mutane kwanan nan.
Zeina Khodr wakiliyar Al Jazeera, ta rawaito daga Damascus, tana cewa wata majiya daga Ma’aikatar Harkokin Cikin Gida ta bayyana cewa shawarar da gwamnati ta yanke na sake tura dakarunta zuwa Suwayda na biyo bayan rokon taimako daga mazauna yankin.
