Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Kyiv Independent cewa, sojojin kasar Rasha sun kaddamar da hare-hare marasa matuka a yankunan Kharkiv da Sumy da ke gabashin kasar Ukraine, inda suka kashe akalla mutum guda tare da raunata wasu 21 na daban.
Kungiyar Agaji ta Red Cross ta Ukraine ta ce hare-haren sun lalata gine-gine a Sumy, ciki har da wurin ilimi da na kiwon lafiya.
Kamfanin dillancin labaran iqna ya habarta cewa, ya nakalto daga shafin sadarwa na yanar gizo na Kyiv Independent cewa, adadin mutanen da suka mutu a hare-haren da Rasha ta kai kan Ukraine a ranar Lahadin da ta gabata ya kai 6, ciki har da mutane uku a Sumy, da wasu biyu a Donetsk, da kuma daya a Kherson.
Ma’aikatar Tsaron Rasha ta yi ikirarin karɓar iko da ƙarin ƙauyuka biyu a gabashin Ukraine: Malynivka a yankin Zaporizhia da Mayak a yankin Donetsk.
Harin jiragen sama marasa matuki na Ukraine sun jikkata mutane biyu a yankin Kursk na Rasha, da kuma wani mutum a birnin Kamianka-Dniprovska a yankin Zaporizhia na Ukraine, wanda Moscow ke rike da wani bangare, a cewar kamfanin dillancin labarai na Rasha TASS.
