Fadar shugaban kasa ta musanta rahoton dake bayyana cewar an zabi sabon sakataren gwamnatin tarayya.

Tace har yanzu George Akume shi ne sakataren gwamnatin sabannin wasu rahotanni da suke yawo a kafafen sada zumunta.

Wannan bayanin na kunshe ne cikin wata sanarwa da mai baiwa shugaban kasa shawara kan yada labarai Bayo Onanug ya fitar a daren Jiya Asabar.

Sanarwar tace shugaba Tinubu wanda a yanzu haka ke ziyarar aiki a birnin St Lucia bai yi wani sabon nadi ba kafin tafiyarsa.

Rahotanni sun bayana cewar wannan sanarwar dai ta biyo bayan wani labari da yake yawo a shafukan sada zumunta na cewar shugaban ya nada Hadiza Bala Usman a matsayin sabuwar sakatariyar gwamnatin tarayya.