Rahotanni daga ofishin kula da bashi na ƙasa (DMO), sun bayyana cewa bashin da ake bin Nijeriya ya ƙaru zuwa Naira tiriliyan 149.39.

Wannan na nufin an samu ƙarin Naira tiriliyan 27.72 idan aka kwatanta da tiriliyan 121.67 da aka samu a shekarar 2024.

Wannan hauhawar bashi ya samo asali ne daga faɗuwar darajar Naira, wadda ke sa darajar bashin da Nijeriya ta karɓo daga waje ya ƙaru sosai.

A cewar DMO, daga cikin bashin da ake bin Nijeriya, tiriliyan 70.63 na waje ne wanda ya kai kusan dala biliyan 45.98.

A baya bashin wajen yana tiriliyan 56.02 (dala biliyan 42.12), wanda ke nuna cewa ya ƙaru sosai.