Gwamnatin Jihar Legas, ta hannun Ma’aikatar Harkokin Mata da Rage Talauci (WAPA), ta sake jaddada aniyar ta na karfafa mata ta fuskar kudi ta hanyar shirye-shirye daban-daban.
Mrs Bolaji Dada, Kwamishinar Harkokin Mata da Rage Talauci, ta bayyana wannan a wajen bikin rufe Shirin Karfafa Tattalin Arziki na Kwarewar Rayuwa (LEEP) a Agbowa/Ikosi.
Kamfanin Dillancin Labarai ta Najeriya NAN,ya ruwaito cewa, mata da matasa sama da 250 ne aka ba su kayan farawa bayan kammala horon makonni hudu na LEEP na WAPA a yankin.
An koyar dasu dabarun, yin fenti, zane da rini, kwalliya da ɗaura gele, gyaran gashi, girke-girke, dinkin dutse, man shafawa, magungunan kashe kwari, da kuma samar da sauran kayayyakin gida.
Kwamishinan ya yabawa Gwamna Babajide Sanwo-Olu saboda inganta ci gaban da ya shafi kowa, daidaito tsakanin jinsi, da karfafa gwiwar al’ummomi a fadin jihar.
