Wani harin da jirgin Rasha mara matuki ya kai ya kashe wata malama da mijinta a Odesa na Ukraine, ya kuma raunata wasu 14, a cewar jami’an Ukraine. Uku daga cikin wadanda lamarin ya rutsa da su, ciki har da wani yaro, na cikin mawuyacin hali.
Aƙalla wasu biyu sun mutu a wani hari na Rasha akan ƙauyukan Kostiantynivka da Ivanopillia a yankin gabashin Donetsk a ranar Jumma’a, a cewar Gwamna Vadym Filashkin.
An ji karar fashewar abubuwa a babban birnin kasar Ukraine, Kyiv, a daren ranar Asabar, inda magajin garin Vitali Klitschko ya gargadi mazauna yankin da su nemi mafaka saboda jiragen sama maras matuki na Rasha da ke shirin zuwa birnin, a cewar kamfanin dillancin labarai na Ukrinform.
Ma’aikatar Tsaron Rasha ta ce dakarun Rasha sun karbe iko da garin Chervona Zirka a Donetsk. Ma’aikatar ta kuma ce daga bisani ta kwace yankin da ke tsakanin kogunan Vovcha da Mokri Yaly.
Sojojin Rasha sun ce sun lalata jiragen sama marasa matuki na Ukraine guda 64 a yammacin Rasha da kuma yankin Crimea da Rasha ta mamaye daga daren jiya zuwa safiyar Asabar.
