Daliban Bangladesh suna neman a ɗauki mataki bayan hatsarin jirgin saman sojan sama akan wata makaranta
Daruruwan masu zanga-zanga sun taru a Bangladesh don neman a dauki mataki bayan wani jirgin yaki na sojin sama ya fadi a wata makaranta a Dhaka, inda ya kashe mutane 31, ciki har da dalibai 25.
Yara, da yawa daga cikinsu ‘yan kasa da shekaru 12, suna shirin komawa gida daga aji a ranar Litinin lokacin da jirgin saman sojan sama na Bangladesh ya fado a makarantar su kuma ya kama da wuta. Sojojin sun ce jirgin ya samu matsalar injin.
A wani wuri a babban birnin, ɗaruruwan ɗalibai masu zanga-zanga, wasu daga cikinsu suna daga sanduna, sun karya ƙofar shiga babban ofishin gwamnatin tarayya, suna neman murabus na mai ba da shawara kan ilimi, a cewar hotunan talabijin dasuka bayyana.
Daliban da suka gudanar da zanga-zangar sun yi kira da a bayyana sunayen wadanda aka kashe da wadanda suka jikkata, da biyan diyya ga iyalai, da kaddamar da wasu jiragen da suka ce tsofaffin jiragen sama ne, da kuma sauya salon horar da sojojin sama.
Jami’an ‘yan sanda sun harba barkonon tsohuwa tare da yin amfani da gurneti wajen tarwatsa jama’a, lamarin da ya yi sanadiyar raunata dalibai kimanin 80, kamar yadda tashar talabijin ta Jamuna TV ta Bangladesh ta rawaito.
