Tinubu ya taya Babangida murnar cika shekara 84, ya yaba da gagarumar gudunmawarsa wajen gina kasa
Shugaba Bola Tinubu ya aika da sakon taya murna ga tsohon shugaban soja, ritaya Janar Ibrahim Babangida, a kan cika shekaru 84 da haihuwa.
Sakon taya murna yana kunshe ne a cikin wata sanarwa da mai magana da yawun shugaban kasa, Mista Bayo Onanuga, ya fitar a ranar Lahadi a Abuja.
Tinubu ya aika da fatan alheri ga iyali, abokai, da abokan aiki na Babangida, yana yabawa da gudunmawar da ya bayar ga ci gaban zamantakewa da tattalin arziki da siyasa na Najeriya.
Shugaban ya ƙara yabawa tsohon shugaban nijeriya Kuma na mulkin soji Babangida, yayi aiki ciki har da aiki a matsayin malami a Makarantar Tsaro ta Najeriya, Kwamandan Rundunar Bincike ta 4, Kwamandan Rundunar Sojojin Najeriya na Motoci masu sulke, Daraktan Ayyuka da Tsare-tsaren Ma’aikatan Sojoji, da Babban Hafsan Sojojin ƙasa.
Tinubu ya ce za a tuna da gwamnatin Babangida saboda gyare-gyare masu karfin gwiwa da kuma zuba jari mai yawa a cikin kayan more rayuwa na kasa.
Ya bayar da misali da nasarorin da aka samu kamar gina gadar Mainland ta Uku da kuma ‘yantar da tattalin arzikin Najeriya.
Tinubu ya kuma yabawa kirkiro muhimman hukumomin tsaro a lokacin mulkin Babangida, ciki har da SSS, NIA, DIA, da FRSC.
Ya kara nuna amincewarsa da rawar da Babangida ya taka wajen kirkiro jihohi da kuma matsar da babban birnin tarayya zuwa Abuja.
Shugaban ya gode wa Babangida saboda sadaukarwa da hidimarsa kuma ya yi masa addu’a don ci gaba da lafiya, ƙarfi, da tsawon rai.
